വരൂ,എന്റെ വീട് കാണൂ....
പ്ലാസ്റ്റിക്ക് വിരിച്ചിട്ടുണ്ട്,
നിലം തൊടാതെ കയറിവരാം.
ഇരുന്നു കാണാം,
ചുവരില്‍ തളച്ച പ്രക്യതിചിത്രങ്ങളെ.
ഏസി ഓണ്‍ ചെയ്തിട്ടുണ്ട്.
തണുപ്പിക്കാം,ചിന്തകളെ, വികാരങ്ങളെ.
ചതുരപ്പെട്ടി ഓണ്‍ ചെയ്യാം.
യുദ്ധം നേരില്‍ കണ്ട് രസിക്കാം.
അവയവങ്ങളറ്റ് വീഴുന്നവരോട്
നേരിട്ടല്ലാതെ സഹതപിക്കാം.
കുടിക്കാം കുഴല്‍ വെച്ച്,
മാങ്ങ,നാരങ്ങ,പൈനാപ്പിള്‍
ചങ്ങാതിക്ക് പകരം ഞാന്‍ സ്ഥാപിച്ച
ആള്‍ക്കണ്ണാടിയില്‍ നോക്കാം.
കാണാം ,നിങ്ങളെ മാത്രം.....
വരൂ... അകത്തു വരൂ.....
No comments:
Post a Comment