നോ ഗ്രേഡ്

വയൽക്കരയിൽ ഉഷ്ണക്കാറ്റേറ്റുനിന്നവർ

ഊർന്നുപോന്ന കുന്നിലിറുകിപ്പിടിച്ചവർ

പുഴയെ സ്വപ്നം കണ്ടുകിടന്നവർ

തലച്ചുമടുമായി മേളയിലെത്തി.

ഒരുവൻ

വയലിലെ ചെളി ടേബിളിൽ ചൊരിഞ്ഞ്

പരിഹാസ്യനായി.

ഒരുവൻ

വിത്തുരൂപം നിർമ്മിക്കുന്നതിൽ

പരാജിതനായി.

കുന്നിനെ തലയിലേറ്റിവന്നവന്ന്

വിഷയം:’ജേസിബി’

പുഴവെള്ളം ബോട്ടിലിൽ കൊണ്ടുവന്നവൻ

ബാർ തേടി നടന്നു..

തോക്കും അറ്റ്ലസ്സും പോലെ

പേനയും പാഡുമായിവന്നവർ മാർക്കിട്ടു:

നോ ഗ്രേഡ്……