വൈകുന്നേരം

തുലാം മാസത്തിന്റെ ഇടിമുരൾച്ചകൾ

അന്തരീക്ഷത്തിൽ തങ്ങിനിന്ന വൈകുന്നേരം.

ദിക്കുകളിൽ കണ്ണുരുട്ടലുകൾ

പ്രത്യക്ഷപ്പെട്ട വൈകുന്നേരം.

ശിരസ്സിലും മനസ്സിലും

മഴ നനഞ്ഞ വൈകുന്നേരം.

ആത്മാക്കൾ കൂടണയാൻ

വണ്ടികളിൽ ചീറിപ്പാഞ്ഞ വൈകുന്നേരം.

ഒട്ടിനിൽക്കും വസ്ത്രങ്ങൾ

ശരീരത്തെ വേർപ്പെടാൻ കൊതിച്ച വൈകുന്നേരം

അയാൾ ഭീതിയോടും വിറയലോടും

അത്യാർത്തി ഇല്ലാതെയും ജീവിതത്തെ പുണർന്നുകിടന്നു.

അയാൾ മരിച്ചുവെന്നാണ് ആളുകൾ പറഞ്ഞത്.