മരംകൊത്തിയെ നമുക്കിഷ്ടമാണ്.

കാവ് സ്വപ്നം കണ്ട മരങ്ങളേ….

കടയ്ക്കൽനിന്ന് ശിഖരത്തിലേക്കും തിരിച്ചും

സഞ്ചാരം അനുവദിച്ചതെന്തിന്..?

നീളൻ കൊക്കിൽ നിന്നുള്ള കട കട ശ്ബ്ദം

ദേഹത്തലയാൻ വിട്ടതെന്തിന്..?

വളഞ്ഞനാക്ക് ഞരമ്പിൽ തൊട്ടപ്പോൾ
മൂളിക്കൊടുത്തതെന്തിന്..?

ഹൃദയം ചോദിച്ചപ്പോൾ

ഇക്കിളി പൂണ്ടതെന്തിന്..?

ഉള്ളുപൊള്ളയായാൽ

ആർത്തനാദം പോലുമില്ലാതെ

വീഴുമെന്നോർക്കാഞ്ഞതെന്ത്..?